Gerentes Hate

Kacipta mangsa katukang lalakon anu geus kasorang
Dina lamunan kasawang rasa ciptaan ngalangkang

Hawar-hawar sora gitar tembang na ditalar
Caang bulan narawangan lir ampir nandingan beurang
Langit teu aya panghalang estu plung plong mega lenglang
Matak betah tumaninah keur ngabungbang



Kiwari bati ngageuri,ati cerik balilihan

Harepan ukur lamunan,mapaesan katungara’an

teuteup kalangkung pinuh ku kahoncewang
Imut teu purun lir nyanding kacangcayaan.



Harepan hate asa wegah rek lumangsung
Tapi yakin dina diri,percaya kana pakta

karana widi ti Illahi

jati diri pasti ngabukti

jati moal kasili ku junti



Ratug jajantung, ngarasa kaduhung sagede gunung, peurih ati lir di gerihan ku hinis, kasaha nya rek muntang? Kasaha neangan keur panyaluuhan?

Lieuk dengeun lieuk lain jauh kasintung kalapa

Ya Allah Rabbul izzaati, welas asih anjeun pasti,ka mahlukna,sim abdi nyuhungk eun di jaga ,di raksa ,di aping sareng di jaring.

Sumujud abdi ka Anjeun

Nu Luhur Tur Maha Agung ibadah sareng sumembah nyuprih barokah ijabah

Anaking ieu Pepeling keur Hidep

Anaking …..Benerkeun hideup tina wanci ka wanci, jaga hate hideup tina mangpirang-pirang nu teu munasabah, jeung cobi kango teras nitenan tina sakabeh kajadian, jalaran pangalaman mangrupakeun guru nu utami nu baris ngajadikeun hideup hiji jalmi nu kiat. Tancebkeun kasobaran dina jero hate hideup sababeta mangrupakeun kakuatan nu teu bisa di itung ku harga, cukcruk tuluy ngarah kaasah pangaweruh tur nambihan pangabisa.

Anaking……Kudu reueus hideup ngajadi diri sorangan! yen yaktos hideup sakabeh bakal tiasa ngahontal mangsa kahareup,turta geus ka waris kasumangetan hirup.deudeul teras kapercayaan diri hideup, estu jaga bakal pinanggih jeung kabagjaan hirup, jaga jeng raksa amarah hideup sabab eta bakal ngabalukarkeun kaduhung teu mangih tungtung, angerkeun hideup depe-depe (handap asor) ka papada jalma, tur kudu di jaga jeung di riksa rengkah paripolah tina hal anu matak ngajaheut keun kana hate batur ngarah hirup hideup loba dulur jaga ucap, lampah, tekad jeung tabeat ngarah pinangih bagja salamet dunya akherat

Anaking,…..Singlarkeun sakabeh nu jadi halangan harungan ku kakuatan jasad jeung pikiran katut beubeuneran, dijien ugeran tina rengkah paripolah jeung ucap lampah. Pohokeun sakabeh nu mika ceuceub ngarah jauh tina rasa panas barannan, hiri dengki, jail kaniyaya ka sasama nu baris ngabalukarkeun leungit na beubeuneuran. Angerkeun hideup panceg sanajan mindeung gebis margi eta nubaris ngajadikeun diri hideup lewih kuat timanan nu kuat

Anaking,….Janteun keun kabeh sakuliling bungking, ngarasakeun di ajenan ngarah manah hideup tingtrim tur salawas na tangung jawab kana rengkah paripolah. Teungeutkeun yen hirup teh ngarupakeun jalan nu pinuh ku halangan harungan. Nganhideup kudu anger pengkuh ngajalankeun kahirupan, jadikeun raga hideup nulewih kuat, lewih hade estu jembar hate. Omat diri hideup sing ngajalma deuheus ka ulama, dalit sareng para kiai ngarah hirup hideup aya nu mepelingan dina nalika rengkah ninggang salah

Anaking,… jimat awaking. Heunteu gampang nalika nyorang jalan kahirupan, jeung moal salawasna cicing dinu datar, tangtuna ge bakal pinangih wanci mudun jeung tanjakan, kudu sabar hideup nalika kurang tur omat ulah nepak dada benghar, adigung adiguna, asa aing uyah kidul, agul kupayung butut! "mangkade” Omat hideup bisi kupur, eling kudu kanu Maha Agung, nyembah kanu Maha Kawasa, turut kana papagon agama nyumponan parentahna ngajauhan larangan nana, 

Tah iyeu anaking pepeling keur diri papatah keur awak, badan sakujur ingis laku lampah nincak salah.
Omat…….Anaking iyeu peupeujeu keur hideup

Anaking jimat awaking .... Dina unggal renghapan nu jadi indung bapa kaluar DU’A anu mustajab pikeun anak-anakna ngarah hirup pinangih jeung kabagjaan, kajembaran pikeun pibeukeuleun dina engoning ngambah sagara kahirupan di alam dunya. Omat anaking hideup kudu silihasah, silih asih, silih asuh, silih talingakeun nya diri, silih silih simbeuhnya kukadeudeuh. Deheus keun duduluran, rakeutkeun babarayaan, ulah rek pakia-kia ulah rek pasalia paham hamo nepi ka kukucrutan .

Omat ………Anaking iyeu pepeling...

Pepeling Ati

Rasa hariwang jeng honcewang nu terus ngancik dina ati

Tagiwur na hate awor jeng rasa honcewang tur hariwang

Ingis ku bisi rempan ku sugan nu nyaliara dina manah

Ratugna jajantung marengan rasa was-was tur rempan

hirupna- huripna nu karandapan ,nu karasa jeng nu ka,alaman ngan ukur bangbaluh nu di gugulung ,karempan nu kaalaman te woleh nguntit dina diri

gubrag kaiyeu dunya lain kahayang ,tapi nugraha ti nukawasa sangkan ibadah tur pengkuh nyekel amanah

hiji-hiji di itung ti mimiti netepan tur dugi kana amalan estu taya nu kaliwat ,subhanaloh rumasa diri kotor tur taledor estu datang na berang ngan kur di pake gagabah ,sumping peuting teu di pake eling, nyata ngan di pake awuntah

dunya barana nu di pibanda anak katut kulawarga ngan ngajadiken hiji papaes kahirupan anu ngan saukur sakeuderan

sakapeung kamalinan tur kajongjonan alatan di ayun ambing ku papaesna dunya ,nepi kacan apal jalan ker mulang ka sarakan nu bakal papanjangan

kahariwang ,karempan sok ingis te bisa ngarahken pangwelah rasa tagiwur trur ti gejebur ka jalan kamaksiatan

jelas nyata tur karasa, saestuna alooh te ngarobah kaayaan hiji kaum,nepi ka manehna ngarobah kana ka,ayaan nu aya dina dirina sorangan { AR-RA’D:11}

Hai jelema nu iman, raksa diri anjen jeung kulawarga anjen tina panasna seuneu jahanamiah anu suluhna ku manusa jeng batu sarta di jaga ku malaikat nu kasar ,nu te doraka ka alooh,jeng teu mungpang kanu di parentahaken {QS.AT TAHRIM:6}

prak geura ngadua ka pangeran anjeun kalawan handap asor{depe-depe} jeng sora nu halon,saestuna alooh teu mikaresep jalma-jalma nu kaleuleuwihi prak geura ngadu’a anjen kalawan rasa sien {moal ditarima} jeng harepan bakal di{tedunan}. {al a’raaf:55, 56}

jeng kami baris nguji ka aranjen ku hal-hal anu goreng jeung ku hal-hal anu hd minangka cocoba {al anbiya :35}

Papatah Sunda

Saban-saban robah mangsa ganti wanci ilang bulan kurunyung taun, sok mineng kabandungan jelema, sanajan ngalamun salaput umur, kahayang patema-tema, karep heunteu reureuh-reureuh. dageuning nu bakal karasa mah anging kadar ti pangeran, manusa kadar rancana, kabul aya tinu Maha Agung, Laksana aya tinu Maha Kawasa.

Ulah Nuduh kanu jauh, ulah nyawang kanu anggang, nu caket geura raketan, nu deukeut geura deheusan, moal jauh tina wujud moal anggang tina awak, aya naon jeung aya saha? tina diri sorangan. cirina satangtung diri. pek geura panggihan diri manehteh, ku maneh weh sorangan, ulah waka nyaksian batur saksian heula diri sorangan.

Sing Daek nulung kanu butuh, nalang kanu susah, ngahudangkeun kanu sare, ngajait kanu titeuleum, mere kanu daek, nyaangan kanu poekeun.

Pitutur para guru,papatah para ulama,pangeling para kiyai rawuh para karuhun anu mere tuduh jalan sangkan ulah kajongjonan, jeng kamalinaan
Geura suprih ku pangarti, paruruh ku pangaweruh sakumna elmu, geura eling kana purwadaksi emut kana tuturus laku, urang teh asal timana?

Balik bakal kamana,…….?

Ayeuna cicing dimana,….?

Lenyepan sing taliti .
Larapkeun na sanubari, disarengan kulampahna.

Tanya heula eta rasa, talek heula eta hate,tilik deui eta diri
Dimana ayeuna ngancik?

Tekadkeun sing enya-enya pikeun sakabeh laku lampahna, bisi goreng balukarna,napsu nu matak kaduhung,awak nukatempuhan,tina atikan atanapi tina didikan nu munggaran, kasasar nya lampah,pajauh nya laku, jeung buntu dina laku, yakin dina pamadegan,tanjeurkeun beubeuneran sangkan meunang kabagjaan.,dunia rawuh akherat